ཕི་ལིམ་གྱི་ཡུལ་དུ་སྔོན་འགྲོའི་སློབ་གྲྭ་དབུ་འབྱེད་མཛད་སྒོ།
ཕི་ལིམ་གྱི་གྲོང་གསེབ་ཏུ་སྔོན་འགྲོའི་སློབ་གྲྭ་གསར་པ་དབུ་འབྱེད་མཛད་སྒོ་འདི་སྤྲོ་སེམས་འཁོལ་བའི་སྒོ་ནས་ཁྱབ་བསྒྲགས་ཞུ་རྒྱུར།
སྤྱི་ཟླ་༡༡་ཚེས་༡༢་ཡི་སྐབས་སུ་སྐྱབས་རྗེ་༧ཡོངས་དགེ་མི་འགྱུར་རིན་པོ་ཆེ་མཆོག་དབུ་བཞུགས་ཐོག་ཏུ་ཕི་ལིམ་ཡུལ་དང་དེའི་ས་ཁུལ་གྱི་གྲོང་གསེབ་ཁག་གི་དགེ་འདུན་དབུ་ཁྲིད་དང་། རྩུམ་དང་ནུབ་རིའི་ས་ཁུལ་གྱི་དབུ་ཁྲིད་སོགས་བཅས་དབུ་འབྱེད་མཛད་སྒོ་འདི་གནང་བྱུང་།
དབུ་འབྱེད་མཛད་སྒོ་གནང་སྐབས་སུ་སྨོན་ལམ་འདེབས་པ་དང་། སློབ་གྲྭ་ལ་གཟིགས་སྐོར་གནང་བ། སྐུ་མགྲོན་སྣ་ཚོགས་ཀྱིས་སློབ་གསོའི་གལ་གནད་སྐོར་གསུང་བཤད་གནང་བ། ཡུལ་མིའི་གཞས་དང་ཞབས་བྲོ་སོགས་མཛད་སྒོའི་མཛད་རིམ་དུ་མ་གནང་བྱུང་།
དེ་ལ་ཡང་སྤྱི་ཟླ་༡༡་ཚེས་༡༨་ཡི་སྐབས་སུ་བྱིས་པ་༤༠་སློབ་གྲྭ་གསར་པ་དེ་ལ་སྣ་ལེན་བྱས་ནས་སྔོན་འགྲོའི་སློབ་ཁྲིད་འཁྲིད་ཐུབ་པ་དང་ཆབས་ཅིག་ཏུ་ཁོང་ཚོ་ལ་གུང་ཚིགས་དང་ཁ་ཟས་སྟབས་བདེ་ཡང་སྤྲོད་ཐུབ་ཀྱི་ཡོད། ལས་འགུལ་འདིས་བྱིས་པ་རྣམས་ལ་བདེ་འཇགས་ཅན་གྱི་སློབ་སྦྱོང་ལེགས་པར་བྱེད་ཡུལ་ཡོད་པར་བྱས་པས་ཕ་མ་ལའང་རྒྱབ་སྐྱོར་ཞུ་བའི་དམིགས་ཡུལ་ཡོད་པར་མ་ཟད་ལྷག་པར་དུ་ཕ་མ་རྐྱང་པ་རྣམ་པ་ལ་རོགས་རམ་ཞུ་བའི་དམིགས་ཡུལ་ཡོད།
(Rokpa International)རྒྱལ་སྤྱི་རོགས་པ་ལྷན་ཚོགས་ཀྱིས་ང་ཚོའི་དམིགས་ཡུལ་འདི་ལེགས་པར་སྒྲུབ་པ་དང་། ཕི་ལིམ་གྱི་ཡུལ་མི་རྣམ་པས་རྒྱབ་སྐྱོར་ལྷོད་མེད་གནང་བ་ལ་སྙིང་ཐག་པ་ནས་ཐུགས་རྗེ་གནང་ཞུ་རྒྱུ་ཡིན།
ང་ཚོ་མཉམ་ལས་བྱས་པས་མདུན་ལམ་བཟང་པོ་སྐྲུན་གྱི་ཡོད་དོ།
