གཏེར་སྒར་འོད་གསལ་གླིང་ནི། གཏེར་སྒར་གྱི་འདུས་ཚོགས་རྣམས་ལ་ནང་པ་སངས་རྒྱས་པའི་ཆོས་ཀྱི་ལྟ་གྲུབ་དང་། སྒྲུབ་པ་ཉམས་ལེན། སྤྱོད་ལམ་སོགས་ཡར་རྒྱས་གཏོང་བའི་དམིགས་ཡུལ་གཞི་རྩ་བཟུང་བའི་ཚོགས་པ་ཞིག་དང་། སྤྱིར་གཏེར་སྒར་གྱི་དགེ་འདུན་ནི་འཛམ་གླིང་ཡོངས་ཀྱི་གཏེར་སྒར་སློབ་ཚོགས་ཐམས་ཅད་གཅིག་ཏུ་འདུས་པའི་དཀྱིལ་འཁོར་ཞིག་དང་། ༸ སྐྱབས་རྗེ་མི་འགྱུར་རིན་པོ་ཆེ་མཆོག་ལ་དད་འདུན་དང་། འཇིག་རྟེན་གྱི་སྡུག་བསྔལ་ཐམས་ཅད་སེལ་ཐུབ་པའི་ཀུན་སློང་གཅིག་གྱུར་ཡོད་པའི་འདུས་ཚོགས་ཞིག་ཡིན།